تووڵە بە نەمامی نەچەمیۊ، کە بېیە بە دار نمەچەمیۊ
پېسە مزانمۍ نەمام جە ئەوەڵو عومریشۆ تەڕەن و ناسکەن، گەر گەرەکما بۊ چەمنمېش بە ئاسانی پەیمان چەمیۊن، چ بارێرە چەمنیش ئا بارەیە وەرگېرۊن، بەڵام وەختێ باڵاش کەردو بی بە دار (درەخت) ێ گۆرە، ئیتر قەڎەکەش ڕەقەنو بە هیج کلۆجێ نمەچەمیۊ.
تەمەنو ئینسانی وېناکریان بە نەمامی و درەختی، وەختێ زارۊڵەن مەژگش سافەن، پېسەنە پەڕەی چەرمەی، هەرچیش سەرۆ بنویسی ئانە تۊمار مەبۊ چەنەش، زارۊڵە مەتاوی بە هەر بارێرە چەمنیش، گەر پەروەردێ خاس و تەندرووسش بکەری، ئانە دما ڕۊنە مروڤێ گۆرەو خاوەن شوناسێ جوان بەرمشۊن، بە پېچەوانۆ کەسێ لار و بۍ دەسەڵات و بۍ شوناس بەرمشۊن، هەر پەوکەی واتەنشا وەچەکاتا بە زارۊڵەیی باردېرە، چوونکوم کە گۆرۍ بیۍ ئیتر دەسەنە بەرمشان.[1]