ب دەستووری خودێ
چەند سەبەقە ژ دوعایا تۆکێ
تۆک ژ ئێزدیارە زیارەتە
رێیا وێ ب خلمەت و عیبادەتە
ئەو فەرزەکە ژ فەرزێت تەریقەتە
***
پەدشایی ژ مەرا ڤرێکر تۆکە
کەت بوو دلێ ئێزدیا شاھی شۆقە
دەستێ تاووسی مەلەک ل سەر ستێرا حەیۆقە
***
تۆک ژ مزگینە
تاووسی مەلەک ناڤ شێرینە
ئەمینێ دیوانا رەب ل (ئالەمینە)
ئێزدی ژێ ب ھیڤینە
***
ئێزی تۆک ژ قوبا فەلەکێ دەرانی
ناڤێ خۆ یێ شێرین ل سەر دانی
ئێزدیا ب سەرێ خوە ھلانی
مە شەھدە و ئیمان و باوەریا خۆ پێ ئانی
***
تۆک گریڤانە
ب قرارا خودێ و ھەر ھەفت مەلەکانە
ب شەھدەیا شیخادی و مەلک شێخ سن و داودی بن دەرمانە
دوعایا تۆکێ سلامەتیا رێیانە
***
رێیا تۆکێ رێیا ئاخرەتێ
مەلەکا دیوان گرتن ل سەعدەتێ
یا خودانێ تۆکێ تول مەبکی شەفائەتێ
ئەم ژ تە دخوازین ئیمان و مەعریفەتێ
***
یێ تەمام خودێ یە.[1]