تاکو بەلۋۍ فرېبا، سمۊرە ئاوراشا
پېسە مەزانمۍ گېیاندارو (سمۊرە) ی حەزش جە دوۍ واردان (ۋەزی و بەلۋۍ) ، ۋەزی دلۍ قلورو دارو ۋەزېنە مەشارۊوە پەی زمسانی. کارو سمۊرەی بېیەن بە ئیدیۆمێ وەراوەر پا کەسا هەکە شەو و ڕۊ منیاوە سەرو یۊی پەی پېڎا کەردەی زەڕی، سەرەمڕە خەریکۍ کاسبی و موعامەلەینۍ، چەنی ئانەیچە فرە ڕەزیلۍ و دەس قووجیێنۍ، هەتاکو فرەشا بۊ، زېیاتەر هۆڵۍ مڎاو زېیاتەر ئاوراشانە.
بڕێ وەختیچ مڎیەی کاڵێوە یان واردێوە فرەن، بەڵام بە زەحمەت مەگنۊ وەردەسا خەڵکی، ئیتر ڕەنگە هۊکارش گرانی بۊن، یان بڕێ جە خەڵکە وەرچەم ئاوراکا دەسشان گېرتەبۊ سەرشەرە و بە ناڕەحەت بېیاوۊ بە خەڵکی.[1]