ب دەستووری خودێ
میر محۆ ھەرە فەلەک چۆ
ب حێجەتا دەوران گەلەک چۆ
ھەزار سال و چل و یەک چۆ
***
چەند سەبەقە ژ بەیتا میر مح :-
تربا میر محێ من ل سەرێ وی چیایی
ئەز خولامێ ڤان ھەر دوو خلمەتکارا بم ھەکە ب مل و باسکا دکۆلان و دەستا ڤەدایی
فەلەک دبێژێ میر محێ من تا ھەزار و چێل و سالەکێ ل با من مایی
وەکی ئیرۆ من کورە میر محێ خۆ نە دیتی و نە بینایی
***
میر محۆ ! من نە گۆ مەچە سەرێ گرێ ھەیھایێ
ئەو سێڤ ئێمانەتێ تەبوو تە رابوو دایێ
مەلەک جبراییل قاسدێ مرنێ ی سڤک بوو بەری من گەھایێ
***
میر محۆ زنجێت قوبا فەلەکێ دسۆرن
سەری ل عەزمانێ ژۆرن لەنگەر ل بنێ بەحرێت کوورن
میر محێ من دنیا دەم و دەورانێ خودێ نە
ئیرۆ دەوران ل من و تە ب دۆرن
***
میر مح دبێژێ فەلەکێ ! سەرێ من بشۆ و دلێ من نەھێلە
رۆژێت عید و عەرەفات و خێرا
تربەکە من بکۆلە ل بن دارا زەنگلا پێشبەری گەلیێ لالشێ
بەرێ من ب دە قوبا فەلەکێ ئالیێ وان ھلێلا
***
میر مح دبێژێ فەلەکێ ! سەرێ من بشۆ و دلێ من نە ئێشینە رۆژێت عید و عەرەفات دئێنە
تر بەکە من بکۆلە ل بن دارا زەنگلا پێشبەری گەلیێ لالشێ
سەرێ من بەرب قوبا فەلەکێ ب فتلینە
***
یێ تەمام خودێ یە
[1]