چېشم کەرد بە وېم
ئیدیۆمێ گلەیی ئامېزەن، جە ئیدیۆمەکا تەری جېیاوازەن، جېیاتی ئانەی بە کەسێ واچیۊن، بە وۍ واچیۊن، کەسێ دمای ئانەی هەکە زەرەرێ مەکەرۊن، یان هەڵێوە دەسشەنە بەرمشۊن، دەسېش ماڵۊ زەنگۊڵېشەرەو ماجۊ: ئایی، چېشم کەرد بە وېم!
دۊسێ یان کەسێ نزیک مەی داواو قەرز یان زەڕی کەرۊن، هەرچن کابرا مشناسۊش کە لارو نا ئەسڵەن، بەڵام چا وەختەنە ئەقڵ نمەبۊن مېمانش، زەڕەش مڎۊ پەنە، دمای زەمەنێ هەرچن داواش کەرۊن، بەڵام کابرای سەرلار گۊشش نمەڎۊ پەنە، ئاڎییچ ماچۊ: ئاخ چېشم کەرد بە وېم.
یان کەسێ بۍ مانا ملۊ داواو کناچێ، هەرچن تاتەو کناچەکۍ کوڕەکەی مشناسۊ، بەڵام وەرو تەکلیفو خەڵکی ڕازی مەبۊن، ئیتر دمایی پەشیمانی بەرمەوزۊن.[1]