تیپی تۆپی پێی تازەپێگەیشتوانی یانەی وەرزشی پێشمەرگە بەشێوەیەکی چڕ و لە کەشە جیاوازەکانی وەرزەکانی ساڵ مەشقەکانی ڕاناگرێت و دەیەوێت دووبارە بە نازناوی خولی نایابی یانەکانی کوردستان شاد بێتەوە.
لە درێژەی ئەو ئامادەکاریانەی تیپەکەی یانەی پێشمەرگە کە سۆران سەلیم سەرپەرشتی مەشق و یەکە ڕاهێنانەکانی دەکات ، بە یارییەکی دۆستانە میوانداریان لە تیپی تۆپی پێی تازەپێگەیشتوانی یانەی هەولێری قەڵا و منارە کرد.
ئەو یارییە لەسەر یاریگەی فەرماندەیی ڕۆژی هەینی #09-06-2023# بەڕێوەچوو تێیداو تازەپێگەیشتوانی یانەی پێشمەرگە پاڵپشت بە پلانەکانی ڕاهێنەریان توانیان بە ئەنجامی 4 - 2 گۆڵ بردنەوە دەستەبەر بکەن.
گۆڵەکانی یانەی پێشمەرگە لە ڕێگەی یاریزانان ( ڕەهەند غەفور بە دوو گۆڵ و سامی سەعید و مستەفا عودەی ) تۆمار کران .
[1]