پېسەنە هۆرو وەهاری
پېسە مزانمۍ هەور نیشانۍ ۋارای ۋارانین، چوونکوم هۆرەکۍ بڕێ ئاویشا هۊرگېرتېنەو بە یاردی هەوای جما ڕوەو ئا یاگۍ کە چەنەش کەرارە، وەختێ جە فەسڵو زمسانینە ڕوەو ئاسمانی هۆر گېرۊشەرە، ئیتر خەڵک دڵ وەش هەن کە ناعمەتێ گۆرە مجیۊ ملشارە.
ۋاران ۋارای جە فەسڵەکا پایېز و زمسان و وەهارینە ڕوە مڎۊ، بەڵام هۆرو وەهاری کەمێ جېیاوازەن، گرڎ وەختێنە ۋارانش نېیەن پەنە، تەنیا گرمە گرمو ناڵەش هەن.
بڕێ خەڵکۍ هەنۍ وەختو تووڕەیی و ناڕەحەتینە، تەنیا هاوارۍ کەران، بە دەنگی بەرز قېڕنان، بەڵام پەلامارە و جەنگشا نېیەن، هەر پەوکەی ئەچا عانانه پەنەشان ماچان: ئەجۊ هۆرو وەهاریەن، دەنگش هەنو بەرهەمش نېیەن. [1]