لە چوارچێوەی گرنگیدانی کابینەی نۆیەمی #حکومەتی هەرێمی کوردستان# بە دابینکردنی خزمەتگوزاریی تەندرووستی بۆ شار و شارۆچکەکان، بڕیاردرا بە گوژمەی نزیکەی سێ ملیار دینار ئامێری پزیشکی بۆ دوو نەخۆشخانەی #هەڵەبجە# دابین بکرێت.
#مەسرور بارزانی#، سەرۆکی حکومەتی هەرێمی کوردستان ڕەزامەندیی داوە لەسەر تەرخانکردنی بڕی دوو ملیار و 700 ملیۆن دینار بۆ دابینکردنی ئامێری MRI بۆ سەنتەری تیشکی شەهید محەمەد حەمەئەمین و ئامێری CT Scan بۆ نەخۆشخانەی فریاکەوتنی هەڵەبجە.
ئەم گوژمەیە لەسەر بودجەی بەڕێوەبەرایەتیی گشتیی تەندرووستیی هەڵەبجە بۆ هەردوو نەخۆشخانەکە خەرج دەکرێت. [1]