هاوسەرگیری لەسەر بنەمای تێگەیشتن و پێکەوە هەوڵدان گەشە دەکات و سەرکەوتوو دەبێت، ئەگەر لایەنێک ئەو کارە نەکات، ژیانی هاوسەرگیری دەکەوێتە مەترسییەوە و کێشە لەنێوان هاوسەران درووستدەبێت.
=KTML_Bold=چەند ڕەفتارێک پەیوەندی هاوسەرگیری لەناودەبات.=KTML_End=

=KTML_Bold=1. گاڵتەپێکردن و ئازاردانی هەستەکان=KTML_End=
زۆرکات هاوسەران بە بێ ئاگایی گاڵتە بە یەکتر دەکەن لەبەر پێکەنینی خۆیان، گاڵتەکانیان بە شێوەیەکە کە ئازاری هەستی بەرانبەرەکەی دەدات، ئەمەش وادەکات بەرانبەرەکەی هەست بکات کاتی ژیانی بەفیڕۆ دەدات ئەگەر بەردەوام بێت، بێگومان گاڵتەکردن لەگەڵ یەکتر ئاساییە نەک گاڵتە بە یەکتر کردن.
=KTML_Bold=2. پشتگوێخستنی حەزەکانی یەکتر=KTML_End=
گرنگیدان بە حەز و خولیاکانی یەکتر هۆکارە بۆ بەردەوامبوونی خۆشەویستی، بەڵام پشتگوێخستن بە هەر هۆکارێک بێت، ساردی دەکاتە ئەو پەیوەندییە.
=KTML_Bold=3. بێدەنگی=KTML_End=
ئەم گرفتە لە ڕووی دەروونییەوە بە بێدەنگیی هاوسەرگیری ناویهاتووە، خۆشەویستی لەناودەبات، کە هاوسەران بەهیچ شێوەیەک گفتوگۆ ناکەن، هەستەکانیان دەرناخەن و بۆشایی لە ژیانیان درووستدەبێت.
=KTML_Bold=4. لۆمەکردنی بەردەوام=KTML_End=
ئەگەر بەردەوام لۆمەی هاوسەرەکەت بکەیت لەبری ئەوەی ستایشی بکەیت، چیتر خۆشیناوێیت و حەز بەوە ناکات ژیانی درێژە پێبدات لەگەڵ تۆدا. [1]