خواردن ڕێگەیەکی سەرەکییە بۆ ئەوەی کێشت بە تەندرووستی بمێنێتەوە و خۆت لە نەخۆشی بەدووربیت، پزیشکان ڕێنمایی خەڵکی دەکەن وریای جۆری خۆراکەکان بن، لە هەموو کاتەکان، بەتایبەتیش لە شەواندا.
خواردنی نانی سپی و سەمون پێش نووستن، هۆکارە بۆ زیادبوونی کێش، چونکە ڕێژەیەکی زۆر لە کاربۆهیدراتی تێدایە، ئەو وزەیە پێویستە بەکاربهێنرێت، نەک بەسەریدا بخەویت، چونکە دەبێتە هۆی کۆبوونەوەی چەوری.
هەروەها خواردنی نان و سەمون هۆکارە بۆ تووشبوون بە نەخۆشی شەکرە، نەخۆشی دڵ و بەرزیی فشاری خوێن.
ئەو کەسانەی حەز بە خواردنی شەوان دەکەن، دەتوانن ژەمی سوک و بچوک بخۆن، وەکوو میوە، سەوزە، ماست، شیر، یان ئەو خواردنانەی شەکر و کاربۆهیدراتیان تێدانییە یان زۆر کەمە. [1]