ناونیشانی بابەت: لە سنووری شارباژێر کووپەیەکی سەردەمی ساسانییەکان دۆزرایەوە
ئامادەکردنی: #هەڵمەت بتوێنی#
ڕۆژی پێنجشەممە 04-05-2023، کووپەیەکی قەبارە گەورەی سەردەمی ساسانی، کە بە ساخی لەژێر خاکدا مابووەوە، لە ناوچەی شارباژێڕ دۆزرایەوە.
توانراوە کووپەکە لەلایەن چەند شوێنەوارناسێکەوە بە ناوەکانی زانا عەبدولکەریم و سامی جەمیل بەشێوەیەکی زانستی و سەرکەوتوو بگەیەیەندرێتە مۆزەخانەی سلێمانی.
لەبارەی جۆری کووپەکە و سەردەمە مێژووییەکەی، حسێن حەمە غەریب، بەڕێوەبەری شوێنەواری سلێمانی، تایبەت بە (باسکورد) گوتی: ”ئێستا ناتوانین هیچ زانیارییەک لەبارەی ئەم کووپەوە بڵاو بکەینەوە، لەبەر ئەوەی سەرقاڵی لێکۆڵینەوەین لەسەری و لەداهاتوودا وردەکارییەکان ئاشکرا دەکەین.“[1]