سەرلەبەیانی ڕۆژی چوارشەممە، #03-05-2023#، سوپای ئێراق و هێزی پێشمەرگە لە میحوەری ڕۆژاوای دیجلە لە باکووری ڕەبیعە و ڕۆژاوای زومار ئۆپەراسیۆنێکی هاوبەشیان ئەنجامدا.
ئۆپراسیۆنەکە لە کاتژمێر 6ی بەیانی تا 12 ی نیوەڕۆ بەردەوام بووە. سنووری بۆشایی ئەمنی نێوان پێشمەرگە و سوپای ئێراق لە گوندەکانی عەین عەوێس و باشووری مەحموودیە و خان سەفات و خان تەحتک کێوماڵکران.
لە ئۆپراسیۆنەکەدا لیوای 8ی پیادەی وەزارەتی پێشمەرگە و فیرقەی 15ی سوپای ئێراق لە ڕۆژاوای #نەینەوا# بەشدار بوون.
دوای ڕووداوەکانی ئۆکتۆبەری 2017 و شەڕەکانی سحێلا و مەحموودییە، لە کۆتای مانگی ئۆکتۆبەری 2017 لەنێوان سوپای ئێراق و پێشمەرگە بۆ یەکەمجارە پێکەوە ئۆپراسیۆن ئەنجام بدەن. [1]