هێزە ئەمنییەکانی شاری #هەولێر#، سێ ڕۆژنامەنووسیان دەستگیرکرد. کە بەنیاز بوون ڕووماڵی ئەو خۆپیشاندانە بکەن کە بڕیار بوو لە دژی هەبوونی گوندی لوبنانی ئەنجامی بدرێت.
بەوتەی ئەو هاووڵاتییانە، لەو پڕۆژەیەدا کاری لەشفرۆشی ئەنجام دەدرێت و ئەو کارەش پێچەوانەی داب و نەریتی کۆمەڵگەیە.
شەوی #07-04-2023# بزووتنەوەی ئیسلامی ڕاگەیاندراوێکی بڵاوکردەوەو ڕایگەیاند لە بەردەم گوندی لوبنانی کۆنگرەیەکی ڕۆژنامەوانی ئەنجام دەدەن و بە نوێنەرایەتی چین و توێژە جیاوازەکانی شاری هەولێر، فراکسیۆنی بزووتنەوەی ئیسلامی لەپەڕڵەمانی کوردستان بەیاننامەیەکی ناڕەزایەتی دەخوێنێتەوە لەبارەی ئەو کارە ناڕەوشیانەی کە لە بەشێکی گوندی لوبنانی شاری هەولێر ئەنجام دەدرێت.
لەنێو دەستگیراواندا پەڕڵەمانتاری بزووتنەوەی ئیسلامی و ڕۆژنامەنووس #کۆچەر عەلی# هەیە لەگەڵ سیروان حسێن پەیامنێری کەناڵی کوردسات و وێنەگرەکەی. [1]