=KTML_Bold=سەرۆکایەتى ئەنجوومەنى وەزیران بەبێ گەڕانەوە بۆ وەزیرەکانى یەکێتى بەشێک لە مامەڵەکان ڕایى دەکات=KTML_End=
دواى بایکۆتکردنى تیمى یەکێتیى لە حکوومەتى هەرێم، سەرۆکایەتى ئەنجوومەنى وەزیران بەبێ گەڕانەوە بۆ وەزیرەکانى یەکێتیى بەشێک لە مامەڵەکان ڕایی دەکەن و وەزیرەکانى یەکێتیى پێیانوایە لە فەراغى ئەوان کارى نایاسایى و گەندەڵى ئەنجامدەدرێت.
دواى زیاتر لە تێپەڕبوونى 3 مانگ بەسەر بایکۆتکردنى #قوباد تاڵەبانى#، جێگرى سەرۆکى حکوومەتى هەرێمى کوردستان و تیمى یەکێتیى لە حکومەت. سەرۆکایەتى حکومەت و سەرۆکایەتى دیوانى ئەنجوومەنى وەزیران بە نووسراوى فەرمى بەشێک لە دەسەڵاتەکانى وەزیرەکانى یەکێتیى مومارەسە دەکەن و دواى تەوابوونى مامەڵەکانیش لەلایەن بەڕێوبەرە گشتییەکانى سەربە وەزارەتەکان ڕاستەوخۆ بۆ ڕەزامەندى کۆتایى دەچێتەوە ئەنجوومەنى وەزیران.
لەسەر مومارەسەکردنى دەسەڵاتەکانیان و بوونى بۆشایى لە شوێنەکەیان تیمى یەکێتیى لە حکومەت پێیانوایە لە دواى ئەوان ژمارەیەک لە مامەڵەى نایاسایى کە گومانى گەندەڵى لێدەکرێت پێشکەشکراون و دەستێک هەیە دەیەوێ ئەو مامەڵانە ڕایی بکات، کە سەرجەم ئەو دۆسیانەش لە #هەولێر#ەوە پێشکەشکراون و سەرۆکایەتى ئەنجوومەنى وەزیران پشتگیریان دەکات. [1]