=KTML_Bold=#مەسرور بارزانی#:
بەرپرسانی حکومەتی فیدراڵ مووچە و شایستە داراییەکانی هەرێمی کوردستانیان بڕی، هەرێمی کوردستان ناچاربوو نەوت هەناردە بکات.=KTML_End=
- ئەم ڕێککەوتنە، دەسکەوتێکی گرنگە و هەنگاوێکی دیکەیە بۆ باشترکردنی پەیوەندییەکانی نێوان هەرێمی کوردستان و حکومەتی فیدراڵ.
- دەست خۆشیم لە سەرۆک وەزیرانی فیدراڵ محەمەد شیاع سوودانی کرد بۆ هەوڵ و کاکردنی لەپێناو چارەسەرکردنی کێشەکانی نێوان هەرێم و حکومەتی فیدراڵ.
- دەست خۆشیم لە شاندی دانووستانکاری حکومەتی هەرێمی کوردستان کرد کە توانیان ئەم ڕێککەوتنە بە ئەنجام بگەیەنن بەبێ ئەوەی سازش لەسەر هیچ مافێکی دەستووری هەرێمی کوردستان بکەن.
- لە ساڵانی ڕابردوو، بەرپرسانی حکومەتی فیدراڵ مووچە و شایستە داراییەکانی هەرێمی کوردستانیان بڕی، هەرێمی کوردستان ناچاربوو نەوت هەناردە بکات.
- ڕێکارەکانی هەناردەکردنی نەوتی هەرێم، یاسایی و دەستووری بوون و لە چوارچێوەی مافە دەستوورییەکانی هەرێمی کوردستان، حکومەتی هەرێم نەوتی هەناردە کرد.
- هیوادارین ڕێککەوتنەکە وەکوو خۆی و لە نزیکترین کاتدا جێبەجێ بکرێت و ببێتە بنەمایەکی باش بۆ جێبەجێکردنی یاسای بودجە و ئامادەکردنی پڕۆژە یاسای نەوت و گازی فیدراڵی. [1]