ناونیشانی بابەت:ڕێوڕەسمی درووستکردنی ڕۆنی زەیتوون لە لالشی پیرۆز
وەک نەریتێکی ئایینی، ساڵانە و بە مەبەستی درووستکردنی ڕۆن بۆ چراکانی #لالش#، ڕۆژانی چوارشەممە تا ھەینی 29 تا 31-3-2024 لە پەرستگای لالش، ڕێوڕەسمی درووستکردنی ڕۆنی زەیتوون بەڕێوەچوو.
شایەنی باسە دوای ئەوەی لە ڕێوڕەسمێکی بە کۆمەڵدا دار زەیتوونەکانی لالش دەچننەوە، دواتر وەک جۆرێک لە ستایش و نەریتی ئایینی بە شێوەیەکی ھەرەوەزی دەستدەکرێت بە بژارکردن و گوشین و کوڵاندنی زەیتوونەکان بۆ درووستکردنی ڕۆنی زەیتوون.
جێگای سەرنجە ھەموو ئێوارەیەک لە پەرستگای لالش 336 چرا دادەگیرسێنن وەک ڕامانێک بۆ ڕووناکی و پیرۆزیی ئاگر، ھەربۆیە ئەم چرایانە پێویستە فتیلەکانیان بە ڕۆنی زەیتوونی لالش بکرێت بۆ ئەوەی ڕووناکی زیاتر و پیرۆزیی زۆرتر بە پەرستگای لالش ببەخشێت.[1]