#بېسارانی#
هۇناو وەشتانەن، هۇناو وەشتانەن.
پەی تۊ، جە دیدەم هۇناو وەشتانەن
باڵام وە کاڵای خەمان پەشتانەن
نە ئینە وادەی سەرگوزەشتانەن
ئەوەند نەمەردام، حەسرەتا جارێ
گەردەنای گەردۇن بکەرداش کارێ
ئېمە و تۊ هەمڕاز، شەوێ تا بەڕۊ
جە شەودا نەدېیام، خاوێ غەیر جە تۊ
گاهێ سەرگوزەشت، گاهێ شیرین ڕاز
گاگا جە تۊ ناز، گا جە من نېیاز
ئەوسا ئەر مەرگم باما جەو دەمدا
بۇڵەم مەشانا، بە یانەی خەمدا
[1]