جێگەی برین پڕئەبیتەوە، جێگەی قسە پڕنابێتەوە.
پێشوان لەم بارەیەوە دەڵێن: شێر پاشایە و لە دارستاندا دەژی، چەندین ئاژەڵی تریش لە هەمان دارستان بوونیان هەیە، ڕۆژێک شێر دەگەڕێتەوە لانەکەیی، لە ڕێگە ڕێوی دەبینێت، پەیمان دەبەست کە ئیتر فێڵ و درۆ لەگەڵ یەک نەکەن و ببنە دۆست، بە یەکەوە دەچنەوە بۆ لای لانەی شێر، لە ڕێگە ڕێوی بە فێڵ و قسەی لووس شێر دەخاتە داو، بە تۆڕێکی گەورەوە دەبێت و هەرچی دەکات ڕزگاری نابێت. دەڵێت: ڕێوی خەنجەرێکت لێدامایە، جێگەکەی چاکدەبووەوە بەڵام درۆ و فێڵت لێکردم، هەرگیز بیرم ناچەتەوە. واتە: برین هەم ئازار و جێگەی پڕدەبیتەوە بەڵام قسە جێگەی لە دڵدا بەئازارە و بیرناچێتەوە. [1]