بەکتریای گەدە یەکێکە لە نەخۆشییەکانی گەدە و چارەسەرنەکردنی دەبێتە هۆی تووشبوون بە برینی گەدە، د.هیوا پزیشکی ڕاوێژکاری وردی نەخۆشییەکانی هەرس و جگەر لەم بابەتەدا زانیاریی لەبارەی چارەسەری ئەم بەکتریایە دەخاتەڕوو.
1- زۆرکەس کە بەکتریای گەدەیان هەیە و برینی گەدەیان هەیە پێویستە چارەسەر وەربگرن کە سێ کەڵک ئەگەیەنن بە نەخۆشەکە: برینەکەی چاک ئەکەنەوە، ناهێڵن برینەکە دووبارە درووستبێتەوە، مەترسی گۆڕانی برینی گەدە بۆ خراپتر یان بۆ شێرپەنجە زۆرکەم ئەبێتەوە.
2- دوای تەواوکردنی چارەسەر، زۆرکەس ئەبێت چاودێری بکرێن و پشکنینیان بۆ بکرێتەوە بۆ ئەوەی دڵنیابین بەکتریاکە نەماوە، زۆربەی جار بەکتریاکە نامێنێت، هەندێکجار نەخۆشەکە بەتەواوی چاکنەبۆتەوە واتە بەکتریاکە ماوە بۆیە زۆر گرنگە چارەسەری زیاتر وەربگرێت. [1]