بووکی ساڵی، بە دەرەماڵی، گەر نەیکرد، بیهاوێ چاڵی.
دەرەماڵ: ئیشی ماڵ. لە کوردەواردا هەر کورێک ژنی بۆ هێنرابێت، ماڵی بۆ جیانەکراوەتەوە، واتە: بووک لەسەرماڵ بووە و لەگەڵ خەسوو و خەزووریدا دەژیی، تەنیا ژووری خەو جیابووە، هەستان و دانیشتن، چێشتلێنان و نانخوادن و هەموو پەیدەندییە کۆمەڵایەتییاکان بە یەکەوە بووە، بۆیە بووک ئەرکی بووە کە خزمەتی ماڵ بکات، پەندەکە مەبەستی لەوەیە بووکی ساڵێک گەر نەیزانی ئیش و کاری ماڵ بکات، دەبێت تێی هەڵدەیت و بیکەیتە دەرەوە. [1]