لە زنجیرە شەرەکانی شۆڕشی مەزنی ئەیلوول لە نێوان هێزی پێشمەرگەی #پارتی دیموکراتی کوردستان# لەگەڵ سوپای عێراق، لە #25-06- 1965# لە دەڤەری #چوارتا# و چیای #ئەزمەڕ# کە سەر بە پارێزگای #سلێمانی# ە شەڕێکی گەورە لە نێوان سوپای عێراق و هێزی پێشمەرگە ڕوویدا، چوارتا ناوەندی قەزایەکی گرنگ و ستراتیژی بوو بۆ هێزی پێشمەرگە.
$ئامادەکارییەکان$
سوپا بە مەبەستی گرتنی ناوچەکه و ڕاوەدوونانی هێزی پێشمەرگه بوو لە 25ی حوزەیرانی ساڵی 1965 بە بەژداری لیوای پێنج و لیوای بیست، لە دەرفەتێک کە هێزی پێشمەرگە چاوەڕێی وەها هێڕشێکی نەدەکرد، هێڕشیان کردە سەر چیای ئەزمەڕ، شەڕەکە زۆر سەخت و خوێناوی بوو، ماوەی یەک ڕۆژی خایاند، سوپای عێراق توانی شکست بە هێزی پێشمەرگە بهێنێت و تەواوی چیای ئەزمەڕ و دەڤەری چوارتا داگیر بکات.
ئه و سەرکەوتنەی سوپای عێراق دەرەنجامی بەرگری نەکردنی هێزی پێشمەرگە بوو لە ناوچەکە، بەبەراورد لە شەڕی شوینەکانی تر هێزی پێشمەرگە بەرگریەکی ئەوتۆی نەکرد، ئه و سەرکەوتنەی سوپای عێراق کاریگەری زۆری کردە سەر داتەپینی ورەی خەڵک بەگشتی و پێشمەرگە بەتایبەتی، لەبەرامبەریشدا سوپای عێراق تووشی لە خۆ بایبوون بوو به و سەرکەوتنەی کە لەو شەڕەدا وەدەستی هێنا. [1]