#بېسارانی#
دڵە بەشقی حەق مەبە سەرگەردان
مەشۊ نە جامەی گرۊی بېدەردان
بېدەردان داران دڵێ وېنەی سەنگ
بە هیچ خاس و گەست، نمەیان وە تەنگ
نە پەروای نەدین، دڵبەرشانەن
نە سەودای کەسێ نە سەرشانەن
شەوان تا بە ڕۊ، ڕۊوان تا بە شەو
هیچ نمەزانان غەیر جە خورد و خەو
بېزار بە جە دین ئەو ناجەستانە
ئەو دڵ سەنگانە، بېدەرد خەستانە
با مودام جە دۇد دەرۇنت پەڕ بۊ
لېوت جە شەربەت شەوناڵین تەڕ بۊ
با ناڵەش بەرز بۊ، ڕەنج بېبەر بېیەن
بۍ قەدر و قیمەت دەربەدەر بېیەن
[1]