#قوباد تاڵەبانی#، جێگری سەرۆکی ئەنجوومەنی وەزیرانی هەرێم، پەیامێکی هاوخەمی ئاڕاستەی بنەماڵە و کەسوکاری هونەرمەند #گوشاد کەمال# کرد.
دەقی پەیامەکە....
بەڕێزان خانەوادە و کەسوکاری هونەرمەند (گوشاد کەمال)
بەداخ و پەژارەیەکی زۆرەوە هەواڵی کۆچی دوایی هونەرمەند و مامۆستا (گوشاد کەمال) م پێگەیشت، بۆ ئەم کۆستە، پرسە و سەرەخۆشیتان ئاڕاستە دەکەم و بەشداری خەمی قووڵتانم.
هونەرمەند گوشاد کەمال کە لە تەمەنی خۆیدا خزمەتێکی گەورەی بە هونەری کوردی کرد لە ڕێگەی گۆرانییەکانییەوە، بەرهەمەکانی بۆ هەمیشە لە گوێماندا دەزرنگێنەوە. خوای گەورە سەبوریی و دڵنەوایی بە هەموو لایەکمان ببەخشێت و ئەمەش دوا کۆستی خانەوادەکەتان بێت و کۆچکردوو بەبەهەشتی بەرین شاد بکات. [1]
انا للە و انا الیە ڕاجعون
قوباد تاڵەبانی سەرپەرشتیاری مەکتەبی سکرتارییەتی سەرۆک مام #جەلال تاڵەبانی#