پیشەسازی جە هۆرامانەنە
ئەوەنویستەی و دەسکاریکەرڎەی: ئەسعەد ڕەشید
بەشۍ دواڼزەهەمە
ناڵبەڼیی، کارێ نیمچە ئاسنگەرین، وراستەی(ناڵا)ن، بە پاژنە، یان سمۍ وڵاخارە، بېگومان بڕیەی ناڵە جوراو جورا، کار و ئاسنگەرین، بەڵام وراستەیشان بە سمۍ ولاخیرە، کارو ناڵبەڼییەن.
ناڵۍ مایېنۍ، گەورەتەرېنۍ جە ناڵا هەسەرۍ و هەری، بەعزە ناوچێنە، ناڵۍ وڵاخی نمەکەران، بەڵام جە وەڵاتو هۆرامانینە بە هۊکار و سەردای و سهۊڵبەڼانی، هەم سەختی کەش و کۊی، نالۍ ولاخی زەرورېنۍ، پەی خاس گیربیەی سمۍ وڵاخەکەی بە زەمینیۆ، پارېزنایش جە خزای و کەوتەی.[1]