ناونیشانی پەڕتووک: تێڕامانێک لەسەر یەکگرتنی ئایین و ئایدۆلۆجیا
ناوی نووسەر: #سەباح موفیدی#
شوێنی چاپ: #سلێمانی#
دەزگای پەخش: ناوەندی کوردستان بۆ توێژینەوە لە ململانی و قەیرانەکان
ساڵی چاپ: 2020
گەرچی ناووکی سەرەکی ئایین ئیمانی مەعنەوییە، کاتێک باسی ئایین دەکرێت تەنیا باسی ئەو ئیمانە پەتییە نییە و لایەنی کۆمەڵایەتیشی هەیە، بۆیە هەرچی ئایین بەرەو کاروباری ئەم جیهانی دەسووڕێتەوە زیاتر دەکەوێتە داوی ئایدۆلۆجیا و هەرچی ئیمانی ئایینی ئایدۆلۆجیاییتر دەبێت، لە پانتایی سیاسەت و کۆمەڵگادا مەترسیدارتر دەردەکەوێت. بەم جۆرە لەڕاستیدا ئایین لە ئەرکە سەرەکییەکەی و هەروەها لە ڕەوشت و ئەخلاق دوور دەبێتەوە. لەو ئاڕاستەیەدا، ئەم بابەتە بە کوورتی ئاوڕێک دەداتەوە سەر جیاوازیی و لێکچوونی ئەو دوو دیاردە کۆمەڵایەتییە و کاریگەریی یەکگرتنیان. [1]