#پارتی دیموکراتی کوردستان#، دەست بە گەڕێکی نوێی کۆبوونەوە لەگەڵ لایەنە سیاسییەکان دەکات و بۆ ئەو مەبەستەش نامەیەکی ئاڕاستەی لایەنەکان کردووە.
#مەسعود بارزانی# سەرۆکی پارتی دیموکراتی کوردستان، #نێچیرڤان بارزانی# جێگری ڕاسپاردووە بۆ دەستپێکردنی گەڕێکی نوێی گفتوگۆ و کۆبوونەوە لەگەڵ لایەنەکان.
لەو چوارچێوەیە، نێچیرڤان بارزانی لە ڕێگەی پەیوەندییەکانی، نامەیەکی ئاڕاستەی سەرجەم لایەنەکان کردووە و لە نامەکەدا ئەجێندای کۆبوونەوەو ئامانجی سەردانەکەی بۆ ڕوونکردوونەتەوە.
پارتی، ئێستا چاوەڕێی وەڵامی لایەنەکانە، بۆ ئەوەی گڵۆپی سەوز بۆ کۆبوونەوە هەڵ کەن و ئەوانیش دەست بە سەردانەکانیان بۆ لای لایەنەکان بکەن.
زانیارییەکان باس لەوەش دەکەن، پارتی ئامانجییەتی دوای کۆتایی هاتنی کۆنگرەی پارتی، پەیوەندی لەگەڵ تەواوی لایەنەکان ئاسایی بکاتەوە و هەر بۆ ئەو مەبەستەش کۆبوونەوەیان لەگەڵ دەکات. [1]