#ئەژی ئەمین# بە بۆنەی ڕۆژی لە دایکبوونی پێغەمبەر محەمەد (دروودی خوای لەسەر بێت) لە لاپەڕەی خۆی لە تۆڕی کۆمەڵایەتی فەیسبووک پەیامێکی بڵاوکردووەتەوە کە ئەمە دەقەکەیەتی:
يادی لەدایکبووونی سەروەری مرۆڤایەتی پێغەمبەر محەمەد (دروودی خوای لەسەر بێت) پیرۆز بێت
وەکو چۆن لە دایکبوونی ئەو پەیامبەرە کۆتایی هاتنی کۆیلایەتی بوو، هیوادارین ئەمساڵ دوا ساڵی کۆیلە و بە کرێ گیراوەکانی بێگانە بێت.
ئەوەی دوێنێ ڕوویدا، لە پەلاماردانی ژن و منداڵ و سەربازە ونەکانی ڕوو بە ڕوو بوونەوەی تیرۆر و پاراستنی ئەمنیەتی هەرێمی کوردستان دەیسەلمێنێت کە بە کرێ گیراو و جاشەکان داماڵراون لە هەموو پابەندبوونێکی ئەخلاقیی و ئینسانی.
ئەو بارودۆخەی کە بەهۆی چەند هەرزەیەکی مافیا ئاساوە بە تایبەت لە ناوچەیەکی هەرێمی کوردستان هاتۆتە ئاراوە و کاریگەری خراپی لەسەر کۆی بارودۆخی ناوچەکە داناوە و بووەتە مەترسی بۆ سەر ئەزموون و ئاسایشی هەرێمی کوردستان، چیتر مایەی قبوڵکردن نییە و دەبێت بۆ ڕاگرتنی هەموومان ئەرک و بەرپرسیارێتی سەر شانمان قبووڵ بکەین. [1]