#مۆزەخانەی نیشتمانیی دهۆک# کە لە ساڵی 1989دا دامەزراوە تا ئێستا زیاتر لە 800 پارچە شوێنەوار و کەلوپەلی جیاجیای لەخۆ گرتووە.
د. بێکەس بریفکانی، بەڕێوەبەری شوێنەوار و کەلوپوور لە دهۆک، بە (باسنیوز)ی ڕاگەیاند: ''بۆ یەکەم جار مۆزەخانەی نیشتمانیی دهۆک لە ساڵی 1989دا دامەزرا و لە ساڵی 1990دا هەموو کەلوپەلەکانی مۆزەخانەکە گوازرانەوە بۆ بەغدا تاکوو لە ساڵی 2013دا جارێکی دیکە مۆزەخانەی دهۆک کرایەوە و ئەو کەلوپەلانەی تێدا نیشان درا''.
گوتیشی: ''لە مۆزەخانەی دهۆکدا شوێنەواری 20 چەرخی مێژوویی پارێزراوە و مۆزەخانەکە سێ هۆڵی کراوەی هەیە و 800 پارچە شوێنەوار ی تێدایە و زیاتر لە پێنج هەزار کەلوپەلی مێژووییش لە کۆگاکاندا پارێزراون، چونکە جێگا نییە نمایش بکرێن''.
باسی لەوەش کرد کە مێژووی بەشێک لەو کەلوپەلانە بۆ 10 هەزار ساڵ پێش ئێستا دەگەڕێتەوە.
ئامادەکردنی: #سارا سەردار#
[1]