Ronîkirinek li Ser Çend Aliyên Romana #Sîber# ê ya #Wezîrê Eşo# .
Ömer Delikaya.
Kovar: Wêje û Rexne, 9-10/2018.
Hikûmeta Ermenistanê piştî mirina yekem romannûsê kurd Erebê Şemo, li ser wî xelateke edebî kifş dike û Wezirê Eşo ji ber berhemên xwe yên kurdî yên giranbiha dibe yekem xelatgirê Xelata Ereb Şemo ya Yekîtîya Nivîskarên Ermenistanê. Ji hingê heta dawîya emrê xwe Wezîrê Eşo afirandinên xwe yên edebî û lêkolînên xwe yên dîrokî û zanyarî berdewam kir û wekî romannûs û çîroknûsekî edebîyata kurmancî ya Kafkasyayê cihê xwe wergirt. Ev nivîsar lê dixebite ku romana Wezîrê Eşo ya bi navê Sîberê di çarçoveya çend layenên wekî zeman, mekan û avakirina karakteran de binirxîne. Nivîsar ji bilî vê, bi boçûneke rexneyî li tevger û biryarên karaktera bi navê Sîberê, li têkilîya wê ya bi fikra baviksalar û feodalîteyê mêzde dike û berê xwe dide îdealîzekirina karakterên romanê ku wekî “ambalajkirî” tên xuyanê. [1]