دەشتی موڵکیه
بریتیه له حەوزێکی فراوان به قوم و چەگل پڕبۆتەوه له ژێریدا چەند چينێکی بەختیاری دەردەکەوێت، چەند بەرزایيەکی تێدەکەوێت و ئاوەرۆیەکەی دەڕژێته زێی گەورە و زێی گچکه و لەئاوی ژێر زەوی دەوڵەمەندە.
چونکە نزیکە لەو ناوچە شاخاويانەی کەلە بەردی کلسی کونيلەدار پێک هاتوون، شارۆچکەی (#قوشتەپە#) دەکەوێته ناو ئەو دەشتە، لە لای باشووری بەرزاییەکانی زوورگەزراو (ئاڤانە) و له ڕۆژهەڵات بەرزاییەکانی (کانی دۆمەلان) و (#کەسنەزان#) و له باکوور بەرزاییەکانی (خانزاد) و له ڕۆژئاوا دەشتی (#شەمامک#)، درێژییەکەی له باشووری ڕۆژهەلات تاوەکو باکووری ڕۆژئاوا دەگاتە (85) کیلۆمەتر، بەڵام پانییەکەی نیوەی درێژییەکەیەتی، بەرزی له ئاستی ڕووی دەریا له نێوان (550-300)مەتردايه.[1]