Şandeyeke YPJ’ê û endamên Hêzên Ewlekariya Hundirîn serdana keça #êzîdî# ya ji Kampa Holê hatiye rizgarkirin kir ku ji aliyê çeteyên #DAIŞ#`ê ve dema 9 salî bû hate revandin û 7 caran hate frotin.
Di qonaxa duyemîn a “Pêngava Ewlehî û Mirovî” de ya ku Hêzên Ewlekariya Hundirîn di 25’ê Tebaxê de bi piştgiriya #QSD#, #YPG# û YPJ’ê dest pê kiriye, jineke êzîdî hat dîtin ku gef lê hatibû xwarin nasnameya xwe eşkere neke.
Di vê çarçoveyê de, şandeyeke YPJ’ê û endamên Hêzên Ewlekariya Hundirîn, serdana keça êzîdî #Wefa Ebas# a li kampa Holê kir. Di serdanê de fermandara Meclisa Leşkerî ya herêma Cizîrê, Evînar Dêrik wiha axivî: “Me keça êzîdî Wefa Ebas di dema Pêngava Ewlehî û Mirovî de dît, ku gefa li hatibû xwarin nasnameya xwe eşkere neke.”
Evînar Dêrik wiha domand: “Ev ne cara yekemîn û keça yekemîn e ku ji çeteyên DAIŞ’ê tê rizgarkirin. Ji destpêka şoreşa Bakur û Rojhilatê Sûriyê ve ji bo rizgarkirina jinên êzidî xebatên mezin ji Reqa heta Şengalê hatin kirin û bi dehan keç hatin rizgarkirin.
Evînar Dêrik diyar kir ku çeteyên DAIŞ’ê bi van kiryarên li dijî jinên êzidî hewl didan ku wan ji nasname û dîroka wan dûr bixin.
Her wiha, keça rizgarkirî Wefa Ebas wiha axivî: “Ez bi rizgarkirina xwe ji çeteyên DAIŞ’ê pir kêfxweş im, spasiya YPJ’ê dikim ku ez rizgar kirim. Min soz da xwe ku heta ez negihêjim malbata xwe li Şengalê ez cilên xwe naguherim.”
Keça êzidî Wefa Elî Ebas ku niha 18 salî ye, di 9 saliya xwe de bi xwişka xwe ya ker û lal (13) re, ji gundê Koco yê Şengalê ji aliyê çeteyên DAIŞ’ê ve hatin revandin û vê dawiyê jî di Pêngava Ewlehî û Mirovî ya li Kampa Holê de ji aliyê şervanên YPJ’ê ve hat rizgarkirin.
(mh)
ANHA
[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (Kurmancî) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە 1,684 جار بینراوە
ڕای خۆت دەربارەی ئەم بابەتە بنووسە!