پێگەی فۆتۆمۆنیتەر، بە پیشاندانی چەن وێنەیەکی کۆنی کورستان لە پێشەنگای کۆرتۆڵدی شاری لەندەن، دەمانباتەوە سەردەمی سەختی و سادەیی ژیان و پێکەوە ژیانی ئایینەکان لە کوردستان و ساڵانی چلەکانی سەدەی ڕابردو.
جگە لە ژیانە سەخت و سادەکەی ئەوکات، وێنەکان نیشاندەری ئەو ڕاستیەن کە هونەری تەلارسازی لە ئاستێکی زۆر پێشکەوتودا بووە، سەرەرای سادەیی ئامرازەکانی بنیادنان چەندین باڵەخانەو خانو منارە و شوێنی پەرستنی ئایینەکان بە شێویەەکی ئەندازیی زۆر جوان دروست کراون.
وێنەکان ئاماژەی ئەوەن کە کوردستان هەر لە کۆنەوە لانکەی مرۆڤایەتی و سەرهەڵدانی ئایینەکان بوە بە ئاینە زەمینیەکان و ئایینە ئیبراهیمیەکانیشەوە.
وێنەکان لە لایەن ئەنتۆنی کریستنەوە گیراوە.[1]