لنگە کەوشێکی لە دیوانا هەیە
کەوش یان سۆل: پێڵاوێکی چەرمینە و پاژنەی بەرز نییە، بە دەزوو و سیرمەی کەوش، سۆڵدروو یان کەوشدروو دروستی دەکات، تاوەکو پەیدابوونی کارگە هەر لەبره و باودا بوو، بەڵام کە کارخانە هاتە کایەوە ئیتر ئه و پیشە دەستیانە بەره و کەمبوونەوە ڕۆیشتن و نەمان و فەوتان، کهو ش شاعیران و فۆلکلۆری کوردی لە دەقەکانیاندا بەکاریانهێناوە وەکو:
بەبیرت دێ زەمانی چووینە باڵەک
بەپی خاوسی نە کەوشم بوو نە کاڵەک(حاجی قادری کۆیی)
هەروەها لە پەندێکی کوردیشدا ووتراوە:
تاکێ کەوش و تاکێ کلاش
ماندوو نەبی مام تەڕەماش
لینگ: لەتەر و قاچ و پێ و بەلەک
دیوانا: دیوەخان و هۆدە و ژووری مێوان دانیشتن و کۆڕ و مەجلیسی کوردەواری، لینگ و کەوش و دیوەخان بووە به و ئیدیۆمە جوانە، بۆ کەسێک بەکاردەهێنرێت کە لای کاربەدەستێکی گەورە یان بەرپرسێکی باڵای حکومەت کاربکات، یان لە کۆندا لەلای کێخوا و ئاغا و دەسەڵاتدارێکی ناوچەکەیەوە سەرکار بێت یان پیاوانی ئاغا بێت و کەمێکیش دەستی دەڕوات بە تەوس و درکەوە دەوترێت: لنگە کەوشێکی لە دیوانا هەیە.[1]