شوان مەیلی بێ، لە گیسکە نێر شیر ئەدۆشێ
شوانی و شوانکارەیی یەکێکە لە پیشە کۆنەکانی مرۆڤ، لەگەڵ ماڵی کردنی گیانلەبەران ئەو پیشەیەش بووە بە پیشە و پیشەوەرەکەی بووە بە شوان و شوانکارە، نزیکترین کەس له و گیانلەبەرانە شوانەکەیە، هەموو ڕۆژێک بۆ لەوەڕاندن ئه و هەرد و ئه و کێوان و دەشتانەیان لەگەڵ دەکات، ئەوەندە شارەزایان دەبێت دەتوانێت بە هەموو شێوەیەک باریان بهێنێت، ئەمە بووە بە ئیدیۆم و هاوشێوەی پەندی (نان بۆ نانەوا و گۆشت بۆ قەساب) بەکارهێنراوە، دەوترێت: شوان مەیلی بێ، لە گیسکە نێر شیر ئەدۆشێ واتە هەرکەسە و بەکار و ئیش و شارەزایی خۆی.[1]