خۆر
ئەی خۆری جوانی ئاسمان
هاوڕێی ئێمەی منداڵان
تۆ ڕۆشنایی چاومانی
بۆمان بڵێ گۆرانی
ئێمەش کازیوەی بەیان
دەچینەلای هەوری جوان
ماڵێک لە بەرزی ئاسمان
دروستدەکەین بۆ ژیان
پەنجەرەی واڵادەکەین
لەوێش هەر تۆ بانگ دەکەین
هەمیشە هاوڕێمان بە
ڕووناکی ڕێگەمان بە
دەمانەوێ وەک تۆبین
لابەری تاریکی بین
دەخوێنین بە ژیرانە
لە ماڵ و قوتابخانە
هەتا ڕووی ئێمەش جوان بێ
وەکو ڕووی تۆ ڕووناک بێ
20 – 8 – 2014
ئەم هۆنراوەیە لەژمارە(113) ی گۆڤاری (گوڵەکان)بڵاوکراوەتەوە
پەرتووکی #خەیاڵی کۆترەکان#
#فەرهاد ئەحمەد بەرزنجی#[1]