بۆ کوێر چ شەو، چ ڕۆژ
بۆ ئومێد و هیوا وتراوە:کوێر تا دەمرێت بە تەمای دوو چاوی ساغە، کوێر لە ئیدیۆم و پەندی کوردەواریدا جێگای کراوەتەوە و بە نمونە هێنراوەتەوە، لێرەدا کە دەوترێت: بۆ کوێر چ شه و چ ڕۆژ واتە هیچ جیاوازییەکی نییە چونکە ئه و هەر چاوی نابینێت و بۆ ئه و بیست و چوار کاتژمێرەی خودا هەر شەوە، کەواتە ڕۆژ بەدەرەوە بێت یان نا بۆ کوێر وەکو خۆیەتی، ئینجا کورد ئەگەر گۆرانکارییەک لەبارودۆخێک بێتە کایەوە و هیچ سودێکی نەبێت، خەڵکی هەژار و کەم دەرامەت و بارودۆخیان هەروەکو خۆی بێت، بەکینایە و درکەوە دەوترێت: بۆ کوێر چ شه و چ ڕۆژ.[1]