هۆنراوە و ئاوازی #بەهجەت یەحیا#
موزيک ڕێبین سالار
واریسی فەرهاد
دەرسی ئەوینم دایتێ تا تێبگەی لەدادم
بەدەستووری عاشقانە من واریسی فەرهادم
چۆن پەپولە بۆ ئاگر ئەچێ تابکا ماچێ
سوێندبێ گەر سەریشم چوو هەرگیز ئەوینم ناچێ
ئەی نەمانووت پەیمانبێ مەرگ جیامانکاتەوە
گیانی ئێمە لەو دوونیا بۆ لای یەکبڕواتەوە
لەم سەردەمەی ئێستادا ئەوینداری ڕووکەشە
زۆر ئاستەمە تێبگەی لەم عادەت و لەم کەشە
من بەم دڵە سپیەوە ڕۆژگار بەو ڕەنگە ڕەشە
بێبەریم لەم نەریتە دابی فەرهادیم بەشە