زيرە بۆ(کرمان)دەبات.
کرمان، پارێزگایەکە لە وڵاتی ئێران، دەکەوێتە باشوری ڕۆژئاواییەوە، لەباکوریدا هاوسنورە لەگەڵ پارێزگای(یەزید و خۆراسانی باشور) و لەباشوریدا پارێزگای(هەرمزگان) و لە ڕۆژهەڵاتیدا پارێزگا ی(سیستان و بلوجستان) و لە خۆرئاوایشی پارێزگای(فارس)ە، ئه و پارێزگایە لەدێر زەمانەوە بە ڕووەکی(زیرە)ی بەناوبانگە کە ساڵانە لە دەشت و دەر و بەرزایی چیاکان و پاوان و لەوەڕگاکانی(4)هەزار کیلۆ(زیرە) بەرهەم دێت و بە سحراویترین شاری وڵاتی ئێران دادەنرێت لەبۆن و بەرامەی بەهاراتی زیرە لە نیوەڕۆیانی شاردا، هەر کەیبانووەی هەندێک له و بەهاراتەی خستۆتە ناو چێشت و شیوە و ئاشەکەی.
ئه و ئیدیۆمە لەناو کورداندا بۆ ئەوە هاتووە کەسێک نەفام و کەودەن و نەزان بێت، لە پەیڕەوکردنی کارێک، واته: ئه و کەسە چۆن زەرەر و زیان ناکات زیرە بۆ کرمان ببات، کە مەڵبەندی بەرهەمهێنانی زیرە بێت، چونکە کەسی زیرەک زیرە بۆ کرمان نابێت.[1]