فیلمی سینەمایی (بارهەڵگریی زێڕ)لە دەرهێنانی #تورەج ئەسڵانی# لە سێهەمین نمایشی نێودەوڵەتیدا بە نوێنەرایەتی لە سینەمای ئێران لە بەشی ڕکابەریی فێستیڤاڵی نێودەوڵەتیی فیلمی چاتراپاتی شیواجیChhatrapatiShivaj لە وڵاتی هندستان چووە سەر پەردەی زیوین و لە ئەنجامدا خەڵاتی باشترین فیلمنامەی وەرگرت.
بۆ ئه و مەبەستە دەرهێنەر (توورەج ئەسڵانی) بە دەربڕینی داخ و کەسەری خۆی لە ڕووداوی فڕۆکە ئۆکراینیەکە لە ئێران، خەڵاتەکەی خۆی پێشکەش بە کاپتن سلادیمیر گاپوننکو فڕۆکەوانی ئۆکراینی و قوربانیانی ئێرانی و بیانی ڕووداوەکە کرد.
بارهەڵگریی زێڕ کە لە لایەن کۆمپانیای بڵاوکەرەوەی نێودەوڵەتی ئاڕت هوود لە ئاستی دنیادا بڵاودەبێتەوە، لە یەکەمین بەشداریی نێونەتەوەیی خۆیدا لە بەشی پێشبڕکێی سەرەکیی ڕەوتە نوێیەکان New Currents لە بیست و سێیەمین خولی فیستیڤاڵی نێودەوڵەتیی فیلمی بووسان Busan لە شاری بووسان لە وڵاتی کۆریای باشوور نمایش کراوە.[1]