لێکۆڵەر: #فرمان عەبدولڕەحمان#
رۆژنامەگەریی تەلەفیزیۆنی؛ بەرهەمهێنانی ڤی تی و دۆکیۆمێنتاری
دوای یەک ساڵ لە نوسین و ئامادەکاریی لە کۆتاییدا ئەم کتێبەم ئامادەیە بۆ چاپ و پشت بەخوا #22-04-2019# کە ساڵیادی ڕۆژنامەگەری کوردیە بڵاودەبێتەوە..
ئەوەی لەم بەرهەمەدا گرنگە ئەوەیە کە بەشێوەیەک نوسراوە بۆ ئەوەی وەکو ڕێبەرێکی پراکتیکی بواری ڕۆژنامەگەری تەلەفیزیۆنی لەبەردەستی ڕۆژنامەنوسان و ئارەزوومەندان و خوێندکارانی زانکۆدا بێت.
لەم کتێبەمدا کە 272 لاپەڕەیە تەنها پشتم بە بابەتی تیۆری و کتێبەکان نەبەستووە بەڵکو ئەم کتێبە بەرهەمی چەندین ساڵ کاری مەیدانی و بینینی دەیان کۆرس و ڕاهێنان و سەردانی مەیدانی چەندان تەلەفیزیۆنی گرنگ و موعتەبەری دونیان لەوانە کەناڵی سی ئێن ئێنی ئەمریکی و جەزیرەی قەتەری و دۆیچەڤێلای ئەڵمانی و ئێن تیڤی تورکی.. هەوڵمداوە ئەوەی فێری بووم لە چوارچێوەی ئەم کپێبەدا جێی بکەمەوە.
راستە ئەم کتێبە هەردوو تەوەری بەرهەمهێنانی ڤی تی و دۆکیۆمێنتاری باس دەکات بەڵام کتێبەکە پانتاییەکی بەرفراوانە دەربارەی هەموو بابەتە گرنگەکانی بواری ڕۆژنامەوانی تەلەفیزیۆنی. دڵنیام جێگەی ڕەزامەندی خوێنەران دەبێت. [1]