نوێنەری شارەکانی #سەقز# و بانە لە مەجلیسی حکوومەتی ئیسلامیی ئێران ڕایگەیاند: بە هۆی ئاستەنگە ماڵییەکان لە بەردەم شارەدارییەکانی پارێزگای #سنە#، شارەدارییەکانی ئەم پارێزگا لە بەرەبەری ماپەیووچ بووندان.
موحسێن بیگلەری، نوێنەری شارەکانی سەقز و بانە لە مەجلیس ڕایگەیاند: ئاستەنگە ماڵییەکان لە بەردەم شارەدارییەکان بووەتە هۆی نەدانی مووچە و ئەمەش، شارەدارییەکانی لەگەڵ کێشەی جیددی بەرەوڕوو کردووەتەوە.
ئەو نوێنەری مەجلیسی حکوومەتی ئێران وێڕای ئاماژە کردن بە درێژبوونەوەی ماوەی پێنەدانی پارەی کرێکارانی شارەدارییەکان ڕایگەیاند: بە هۆی زۆربوونی ژمارەی کرێکاران لە شارەدارییەکان و پێنەدانی پارە بەو کرێکارانە کێشە بۆ بنەماڵەکانیان دروست بووە.
ناوبراو هەروەها ئاماژەی بەو کرد کە، شارەدارییەکانی پارێزگای سنە بە هۆی قەرزداربوونیان و پارەی دواکەوتووی چەند میلیاردی تووشی دۆشداماوی بوون؛ ڕاشیگەیاند: شارەداری شاری سەقز وەکوو قەزردارترین شارەداری پارێزگای سنە زیاتر لە 140 میلیارد تمەن قەرزدارە و ئەمەش بووەتە هۆی پێنەدانی دست چک لە لایەن بانکەوە بەو ڕێکخراوەیە.
ئەو نوێنەرەی مەجلیس هەروەها باسی لە یەکێک لە کێشەکانی شارەدارییەکانی پارێزگازی سنە کرد و ڕایگەیاند: بوونی زەوییە بەڵگەنامەدارەکان کە بەستێنی فرۆشتنی شار و ساخت و سازهای بەموڵەت کێشەی بۆ شارەدارییەکان دروست کردووە.
موحسێن بیگلەری هەروەها ئاماژەی بە کێشەکانی دیکەی وەک نەبوون و کەمبوونی کەرەستەی ئاگرکوژێنەوە، نەبوونی ئاو و ئاوەڕۆ و ڕێگای گوندەکان، حقووق دێهیارەکان، گەڵاڵەی دابین کردنی ئاوی خواردنەوە و ڕاکێشانی گاز بۆ گوندەکان کردووە.[1]
#23-11-2018#