نووسینی: محەمەد فەتحوڵڵا گولەن
وەرگێڕانی: دەستەی وەرگێڕانی #دەزگای چاپ و پەخشی کانی عیرفان#
چی دەبێت، با کاتێک پێکەوە دەبین قسە و گوفتارەکانمان هەموو صوحبەتی جانان بن. واتە با سەروبنی قسەمان هەموو پەیوەست بکەینەوە بە باسی خوا و پێغەمبەری خواوە)عَلَیْهِ أَلفُ صَلَاٍة ۆسَلَام(، با دەربارەی ئایینەکەمان قسە بکەین و ڕێ بە تەنها دڵۆپێکیش لە قسەی زیادە و بێمایە نەدەین. لەبیرمان نەچێت، خولەکەکانی تەمەنمان دیاریکراون. بۆیە با لە هیچ و خۆڕاییدا بەفیڕۆیان نەدەین، چونکە لەو دونیا لێپرسینەوەمان لەگەڵ دەکەن لەسەریان. با سوپاس و ستایشی ئەو خوایە بکەین کە لە هەر هەناسەدانێکدا، بەدەر لە ئاگایی و هەستی خۆمان دوو جار ژیانمان پێ دەبەخشێتەوە. لە فەرموودەیەکدا خۆشەویست (صَلَّێ اللهُ عَلَ هِْ ۆسَلَّمْ) دەفەرموێت “باوەڕداری ي ڕاستەقینە کاتێک دەبینرێت، خوا بیری خەڵکی دەخاتەوە.” واتای ئەمە ئەوەیە کە لە هەموو ڕەفتار و کردارێکیدا اللّه دەخوێنرێتەوە و لەفظی جەلالە بە هەرچوارلای ئەودا نووسراوە.