دەڵێی دۆنی سەی لەقەلبی درايە
دۆن واتە ڕۆن يان ڕوون،سەش واتە سەگ، ئەگەر کەسێک زۆر ئازا بێت و يەکبينە بجولێتەوە و کاربکات و هەست بەئازاری جومگەکان و شان و مل و پشتی نەکات، پێی دەوترێت دەڵێی(دۆنی سەی لێدرايە) ئەمە زياتر بەکەسێک دەوترێت کە خۆشحاڵ بێت بەهاتنی کەسێک و لەبەر ئه و کەسە کارێکی نەبڕاوانە بکات بۆ نمونە ژنێک خوشک يان برا و باوک و دايکی ميوانی بێت لەماڵەکەيدا هەرچی خزمەتگوزاری هەيە بەبێ پسان بۆيان ئامادە دەکات و بشمرێ ناڵێ ئۆف يان وەی چەند ماندووم يان پشتم شکا، ئينجا بەدرکەوە دەوترێت سەيری سەيری بکە چەند کەيف خۆشە به و ميوانانە(دەڵێی دۆنی سەی لە قەلب درايە).