بشفڕێ هەر بزنە
بزن ئاژەڵە و باڵندە نییە، بەڵام له و ئیدیۆمەدا وەک باڵدار ئاماژەی پێدراوە، دەگێڕنەوە لە یەکێک لە ئاواییەکانی کوردستان دوو جوتیار لە دوورییەکەوە چاویان بە ڕەشاییەک دەکەوێت یەکێکیان دەڵێت: قەڵەڕەشە و ئەویتر دەڵێت: بزنە، به و شێوەیە هەردوو لا سوور دەبن لەسەر بۆچونەکانی خۆیان، ووردە ووردە نزیک دەبنەوە و ئەوەی دەڵێت:قەڵەڕەشە بەردێک لە ڕەشاییەکە دەگرێت و قەڵەکە دەفڕێت، ئەویش دەڵێت نەم ووت: قەڵەڕەشە کابرای کە بەبزنی تێگەیشتووە دەڵێت: بەخوای بشفڕێت هەر بزنە.
ئینجا ئه و ڕووداوە بووە بە ئیدیۆم و بەکەسێکی نەسەڵمێن دەوترێت بەخوای بابە بشفڕێت هەربزنە، واتە سودی نیە لەگەڵی بڵێیت.[1]