بۆ بنەماڵەی هونەرمەندی گەورەی کورد عەباسی کەمەندی.
بەداخ و پەژارەیەکی زۆرەوە هەواڵی کۆچی دوایی هونەرمەندی ناوداری کورد عەباسی کەمەندیمان بیست، لەدڵەوە غەمبار بووین. مردنی مامۆستا عەباسی کەمەندی زیانێکی گەورە بە ڕەوتی هونەر و گۆرانیی کوردی لە هەر چوار پارچەکەی کوردستان دەگەیەنێت. چونکە مامۆستا کەمەندی لەسەرەتاکانی دەرکەوتن و کاری هونەریدا و بەدرێژایی زیاتر لە نیو سەدە لەمێژووی هونەریی خۆی هەمیشە بە شێوازێکی پڕ لە ڕەسەنایەتی خزمەتی بە هونەر و کولتووری کوردی کردووە.
دوبارە بەناوی خۆم و پەرلەمانی کوردستانەوە پرسە و سەرەخۆشی بۆ خۆتان و بنەماڵە سەربەرزەکەتان و تەواوی هونەرمەندانی کوردستان دەردەبڕم، هیوادارم ئەمە دواهەمین کۆست و خەم و پەژارەتان بێت.
اناللە وانا الیە ڕاجعون
یوسف محەمەد سادق
سەرۆکی پەرلەمانی کوردستان