وەک بەرهەمی تیپی شانۆی نالی سەیدسادق لەوەرزی ڕەشەبای سلێمانی بۆ شانۆی گەنجان نمایشکرا.
ئەو شانۆییە لەهۆڵی ڕۆشنبیری سلێمانی، لەئێوارەی (01-11-2010) و بەئامادەبوونی ژمارەیەک لەشانۆکاران و بینەران وەک بەرهەمی بەڕێوەبەرێتی ڕۆشنبیری هەڵەبجە نمایشکرا، کە لەنووسینی عەلی ڕەزا غولامی و وەرگێڕانی جەمال جەلال و دەرهێنانی یاسین سەعید ڕەزا بوو، هەریەک لەئەکتەران مەریوان کەریم و شەیدا عومەر ڕۆڵەکانی نێو شانۆییەکەیان بەرجەستەکرد.
تێکستی شانۆییەکە باسی لەو زەمەنە دەکرد، کە هێشتا قسەکردن هەیە بۆ خۆشەویستی و قسەکردن هەیە بۆ عەشق و بۆ جوانییەکانی مرۆڤ، بۆیە مەرگ لەهەموو شوێنێک و لەهەموو سات و کاتێکدا ئامادەیەو نزیکترین کەسە لێمانەوە، بەلام مەرگ لەشانۆییەکەدا مەرگێکی عاشقەو دۆستێک بوو دەیویست پەیامێک بگەیەنێتە ئێمەی مرۆڤ.