محەمەد قەدری
هونەرمەند محەمەد غەریب قەدری لەساڵی 1935 لەپێنجوێن لەدایکبووە و گەڕەکی تەیراوەی شاری هەولێریش گەڕەکی بەڕێکردنی تەمەنی منداڵی ئەوبووە، خوێندنی سەرەتایی و ناوەندیشی هەر لەو گەڕەکە تەواوکردووە، لەبەرئەوەی باوکی بووە عەمیدی کۆلیژی شەریعە لەبەغدا، کوردستانیان جێهشێت و لەبەغدا نیشتەجێ بوون، قەدری هەر لەبەغدا خوێندنی ئامادەیی و پەیمانگای هونەرە جوانەکانی بەشی مۆسیقای تەواوکردووە، ئێستا ئەو باوکی پێنج کوڕە، سێ لەکوڕەکانی هونەرمەندن و لەبەغدا دەژین، دوو کوڕیشی لەگەڵ خۆی لەهەولێرن. تائێستا خاوەن 450 گۆرانی تۆمارکراوە.