ساڵی 1982 لە شاری سنە لە دایکبووە. بەکالۆریۆسی فیزیکی لە زانکۆی پەیامی نووری شاری سنە هەیە. کورتە فیلمی دیکۆمێنتی "پیدا و پنهان" واتە "پەیدا و شاراوە" بە ماوی 13 خولەک لە دەرهێنانی بورهان ئەحمەدی ساڵی 2006 لە بەشی "کێبڕکێی ڕوانینی نەتەوەیی" 24مین خولی فیستیڤاڵی نەتەوەیی و 12مین خولی فیستیڤاڵی نێونەتەوەیی کورتە فیلمی تاران لە چەندین سانسدا لە سینەما فەلستین و قیامی تاران نمایش کرا.
سینەماکاری سنەیی لە کورتە فیلم و هەروەها فیلمە بڵندەکانی سینەماکارانی کورد وەکوو یاریدەدەری دەرهێنەر و بەرنامەداڕێژ هاوکاری کردووە، لەوانە: فیلمی سینەمایی "ئەوان کەسیان خۆش ناوێت" لە دەرهێنانی جەلال ساعیدپەنا، کورتە فیلمی چیرۆکی "ان مرد امد" واتە "ئەو پیاوە کات" لە دەرهێنانی بێهرووز قوبادی و هەروەها دوایین کاریشی یاریدەدەری دەرهێنەر و بەرنامەداڕێژی بووە لە فیلمی سینەمایی "ئەو ڕۆژەی بابا نۆئێل گریا" لە دەرهێنانی سینەماکاری کورد ڕەحیم زەبیحی کە وەرزی پاییز و زستانی ساڵی 2008 لە شاری هەڵەبجە لە هەرێمی کوردستان وێنە گیراوە.