ساڵی 1957 لە گەڕەکی شوان لە شاری #کەرکووک# لەدایکبووە.
لەبەر باری سیاسی و ئابووری خێزانەکەیان نەیتوانیوە بخوێنێت، بۆیە خۆی فێری نووسین و خوێندنەوە کردووە و لە ماوەیەکی زۆر کەمدا بووەتە خوێنەرێکی زۆر باشی دەقە شانۆییە عەرەبی و بیانییەکان، زمانی عەرەبی، تورکی، هیندی بەباشی زانیوە.
ساڵی 1977 کە بۆ خوێندنی کۆرسی شانۆیی دەچێتە میسرو لە گەڕانەوەی نازناوی میسری وەردەگرێت.=KTML_Photo_Begin=https://www.kurdipedia.org/files/relatedfiles/2009/1783/0002.JPG=KTML_Photo_Alt=حسێن میسری=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2009/1783/0002.JPG=KTML_Photo_End=
ساڵی 1973 بۆ یەکەمجار لە شاری #موسڵ# لە شانۆیی (من الزی قتل الوحش) وەکوو ئەکتەر بەشداری کردووە، لە نووسینی عەلی سالم و عەدنان جویدجاتی.
ساڵی 1979 پەیوەندیکردووە بە تیپی شانۆیی ئەزموونگەری کەرکووکەوە، هەر لەو تیپە دەستی بە ئەزموونی شانۆیی کردووە و بەشداری چەند شانۆیەکی تری کردووە و بیروڕای پێشکەوتووانەی هەبووە لە تیپەکەدا.
ساڵی 1979 نواندن - لە شانۆیی (باڵندە و ڕێوی) - دەرهێنانی (جەعفەر موسا) - نووسینی (ناتق خلوسی) .
ساڵی 1979 نواندن - لە شانۆیی (الدراویش یبحپون عن الحقیقە) - دەرهێنانی (عەبدولڕەزاق محەمەد عەزیز) - ئەم شانۆییە بە گەورەترین نمایش ئەژمارکرا لەسەر ئاستی ئێراق و چەندین نووسینی لەسەر نووسرا.
ساڵی 1979 وانەی هونەری بۆدی تەکنیکی وتۆتەوە لە تیپەکەی.
ساڵی 1980 یاریدەدەری دەرهێنەری شانۆیی (دوا گۆرانی) - دەرهێنانی (عەبدوالڕەزاق محەمەد عەزیز) .
ساڵی 1981 - یاریدەدەری دەرهێنەری شانۆیی (بەسەرهاتی دۆستی ئاژەڵ) - دەرهێنانی (عەبدوالڕەزاق محەمەد عەزیز) .
ساڵی 1981 - نواندن لە شانۆگەری (گەمەی سوڵتان و وەزیر) - دەرهێنانی (عەبدوالڕەزاق محەمەد عەزیز) .
ساڵی 1982 - نواندن لە شانۆیی (دارستانی یوتوبیا) - دەرهێنانی (ئیسماعیل هەورامی) سەرپەرشتیاری گشتی (دەرهێنان) ەکە بووە.
ساڵی 1983 - نواندن لە شانۆیی (حب ابیکاک و موتە) - ئامادەکردنی (جەلال پۆڵا) و ساڵی 1984 لە فێستیڤاڵی ساڵانەی (المنتدی المسرح) لە بەغدا نمایشکراو خەڵاتی باشترین ئەکتەری گەنجی پێبەخشرا.
لەم شانۆگەرییەدا بەسەرکەوتوویی سەرنجی هونەرمەندە گەورەکانی بەغدای ڕاکێشا.
لە ستۆدیۆی ئەکتەر لە تیپەکەی کاریکردووە.
ساڵی 1991 ئەندامی دامەزرێنەری تیپی شانۆی قەڵا بووە لە کەرکووک، هەرچەندە دووربووە لە شارەکەی، هەمیشە دەستی یارمەتیی بۆ هەموو هونەرمەندانی دوای خۆی بەهەموو کەمینەکانەوە درێژکردووە و بەتایبەتی تیپی قەڵا کە تا ئێستاش بەردەوامن لە کارکردن - لە ڕێگەی هەردوو کەناڵی خاک TV و کەناڵی ئاسمانی کوردسات-ەوە.
ساڵی 1985 هاتووەتە شاری #سلێمانی# و ئەندامێکی چالاکی تیپی نواندنی سلێمانی بووە.
ساڵی 1985 دەرهێنانی شانۆگەری (گوڵی بەهار هات) - نووسینی (جەلیل القیسی) لە فێستیڤاڵی لاوانی سلێمانی - خەڵاتی یەکەمی دەرهێنان و بەرهەمی پێبەخشرا.
ساڵی 1987 دەرهێنانی شانۆیی (هەڵهاتنی مانگ) - نووسینی (لیدی گریگۆری) .
ساڵی 1988 نواندن لە شانۆیی (سێتای ئاسنین) - دەرهێنانی (جیهاد دڵپاک) .
ساڵی 1989 نواندن و ئامادەکردن و دەرهێنانی شانۆیی (ئەو پیاوەی خۆی بە بارمتە دانا) نووسینی (مەهدی ئەلسماوی) .
یەکەمین هونەرمەندی کورد بوو کە هونەری پانتومایمی هێنایە هونەری شانۆی کوردی، بە سازدانی کۆڕو سیمینار تایبەت بەم هونەرە لە شارەکانی سلێمانی، #هەولێر#، #دهۆک#، کەرکووک، بەغداو پێشکەشکردنی کاری هونەری.
ساڵی 1990 نواندن و ئامادەکردن و دەرهێنانی شانۆیی (نجنسکی ساتی زەماوەند) کارێکی پانتومایم لە فێستیڤاڵی ساڵانەی (المنتدی المسرح) لە بەغدا، خەڵاتی ڕێزلێنانی (نواندن و دەرهێنانی) پێبەخشرا.
ساڵی 1991 نواندن و سیناریۆو دەرهێنانی (سەمایەکی بێ ناونیشان) کارێکی پانتۆمایم.
یەکەمین هونەرمەندی کوردە کە کاری شانۆیی هێنایە سەر شەقام و شوێنە گشتییەکان بەشێوەی کەرنەڤاڵ و هەمیشە کارەساتی (هەڵەبجە و ئەنفال) پانتاییەکی گەورەی هەبوو لەکارەکانییدا.
ساڵی 1992 سیناریۆو دەرهێنانی (کەرنەڤاڵی #هەڵەبجە#) لە شەقامی مەولەوی تا بەردەرکی سەرا.
ساڵی 1992 سیناریۆو دەرهێنانی (کەرنەڤاڵی ئاشتی) لە ئەمنە سوورەکە.
ساڵی 1992 سیناریۆو دەرهێنانی (تابلۆی ڕامان بۆ 1ی ئایار) ، کەرنەڤاڵی زیندانە سیاسییەکان (کەرنەڤاڵی منداڵانی ئەنفال) .
ساڵی 1992 نواندن لە فیلمی (مەرگی ئەرخەوانی) دەرهێنانی (کامەران ڕەئوف) .
ساڵی 1993 نواندن لە فیلمی (فرمێسکی ڕەش) دەرهێنانی (کامەران ڕەئوف) .
ساڵی 1993 ئامادەکردن و دەرهێنانی شانۆیی (دەروێشەکان بەدوای ڕاستیدا وێڵن) ، نووسینی (مستەفا حەڵاج) لە یەکەم فێستیڤاڵی شانۆیی سلێمانیدا خەڵاتی یەکەم دەرهێنان و باشترین بەرهەمی پێبەخشرا.
ساڵی 1994 (ئەلف و بێی تەواوکەری جەستەکان) - ئامادەکردن و دەرهێنانی شانۆیی (گەمەی چاوەڕوانی) .
ساڵی 1994 سیناریۆو دەرهێنانی شانۆیی (مەرگی کورسییەک) لە فێستیڤاڵی دووەمی شانۆیی سلێمانی - خەڵاتی باشترین دەرهێنان و بەرهەمی وەرگرتووە.
ساڵی 1995 تولیف و دەرهێنانی شانۆیی (کەرنەڤاڵی دەمامکەکان) .
ساڵی 1995 بەشداری لە پێشانگای (ئاوارەبوون) لە وێرانەی (حەسیب ساڵح) لەگەڵ هونەرمەندان (مدحت کاکەیی، چیمەن ئیسماعیل، ئاری بابان، سهاد ستار) .
ساڵی 1995 ئامادەکردن و دەرهێنانی شانۆیی (چیرۆکی خۆشەویستی) نووسینی (فەلاح شاکر) لە فێستیڤاڵی سێیەمی شانۆیی سلێمانی خەڵاتی یەکەمی وەرگرتووە.
ساڵی 1996 تەولیف و سەرپەرشتیاری گەمەکە - شانۆیی (دوای سەدەیەک شەڕ ساتێک بۆ گەمە) .
ساڵی 1996 ئامادەکردن و دەرهێنانی شانۆیی (پاسەوان) - نووسینی (هارول پینتەر) .
ساڵی 1997 نواندن و ئامادەکردن و دەرهێنانی شانۆیی (دیفز - دیفز) دەقی (هارولد پینتەر) لە چوارەمین فێستیڤاڵی شانۆیی سلێمانی - خەڵاتی پێش مەندی کاری تەکنیکی جەستەی لە بواری نواندن پێبەخشرا.
ساڵی 1997 زێوانی گۆڕستان - ئامادەکردن و دەرهێنانی شانۆیی (گۆڕستانێکی نوێ) لە نووسینی (شێرزاد حەسەن) .
ساڵ] 1997 سیناریۆو دەرهێنانی کەرنەڤاڵی (ناپاڵم و سەمای گوڵەبەڕۆژەکان) لە شەقامی مەولەوی بۆ بارەگای UN تایبەتبوو بە ناڕەزایی دەربڕین بەرانبەر هاتنە ژوورەوەی سوپای تورکیا بۆ خاکی کوردستان.
ساڵی 1998 ئامادەکردن و دەرهێنانی شانۆیی (لە تەنتوومانێکدا) .
ساڵی 1998 سیناریۆو دەرهێنانی (نمایشی شەختە فرمێسکەکانی ئەنفال) لە شەقامی مەولەوی بۆ بەردەم بارەگای UN.
ساڵی 1999 ئامادەکردن و دەرهێنانی شانۆیی (سزاو تاوان) . نووسینی (فەلاح شاکر) .
پاش درووستبوونی (خاک TV) حسێن میسری بووە دامەزرێنەری بەشی درامای خاک و لێپرسراوی بەشەکە و چەندین هونەرمەندی گەورە و گەنجی لە شارەکانی سلێمانی، هەولێر، دهۆک، کەرکووک، #کەلار#، هەڵەبجە لەخۆگرت و یەکەمین هونەرمەندی کوردە کە خاوەنی (21) کوورتە دراما و نووسین و سیناریۆو دەرهێنانی (8) درامای درێژ بێت.
کارە هونەرییەکانی لە بەشی درامای خاک ساڵی 1997 - 2009
ساڵی 1997-1998 ئامادەکردن و دەرهێنانی کوورتەدرامای (تەمەر هنیدی، بۆ خۆم ناگریم، سێ دزەکە، خەنەکەی مام حەسەن، مانگ گیران، پلە و چاو ماسی، سەعە درۆزنەیان...، بەناو نەقاش، فەرەجی، پینەچی، پاشاو سێ پرسیار، ملکەڕێوی، دیدەنی، زنجیرە درامای (کەریم تاک دینار، شەش ئەڵقە) .
بەرنامەیەکی هونەری تایبەت بە مانگی ڕەمەزان.
ساڵی 1999 سیناریۆو دەرهێنانی درامای (خۆرنەوازان) بەشی یەکەم (15) ئەڵقە، بیرۆکەی خاتوو هێرۆ ئیبراهیم ئەحمەد.
ساڵی 2000 نووسین و سیناریۆو دەرهێنانی درامای (خۆرنەوازان) بەشی دووەم (17) ئەڵقە.
ساڵی 2001 ئامادەکردن و دەرهێنانی کوورتە درامای منداڵانی: 1- ئەردەڵان و کۆمپیوتەر. 2- #سۆران#ی بۆیاخچی. 3- ئەحمەدی نەوت فرۆش.
ساڵی 2001 نووسین و سیناریۆو دەرهێنانی درامای (خەمی چۆلەکەکان) (29) ئەڵقە.
ساڵی 2001 ئامادەکردنی سەکۆی شیعری - ئامادەکردن و دەرهێنانی شانۆیی (گۆڕستانێکی بێ گۆڕ) ئاهەنگە شیعری (قوبادی جەلیل زادە) .
ساڵی 2002 سیناریۆو دەرهێنانی - ئۆپەرێتی سرودی سەربەستی لەیادی دووەمین ساڵڕۆژی کۆچی دوایی مامۆستا ئیبراهیم ئەحمەد.
ساڵی 2002 هەناسەکانی ئەنفال - شانۆی گەڕۆک لەناو خوێندنگاو فەرمانگە و کارگە و پاسەکاندا.
ساڵی 2002 نووسین و سیناریۆو دەرهێنانی درامای تەلەڤزیۆنی (رەشەی پۆلیس) (31) ئەڵقە.
ساڵی 2003:-
1- بەرنامەی تەلەڤزیۆنی، بەشی درامای خاک و نامەیەکی کراوە.
2- بەشی درامای خاک و ساڵڕۆژی کیمیابارانی هەڵەبجە.
3- بەرنامەی خەڵک و خاک - خاک و خەڵک.
4- بەرنامەی خاک و بەساڵاچووان.
ساڵی 2003 نووسین و سیناریۆو دەرهێنانی درامای (حەسەنە فەنی) (19) ئەڵقە.
ساڵی 2004 سیناریۆو دەرهێنانی تابلۆی (سوێند) لە چلەی شەهیدانی کارەساتی 1ی شوباتی 2004 - هەولێر.
ساڵی 2004 سیناریۆو نووسین و دەرهێنانی درامای (جومعە) (27) ئەڵقە.
ساڵی 2005 ڕێپۆرتاژێک بۆ پەیمانگای هونەرە جوانەکانی - #کفری#.
ساڵی 2005 نووسین و سیناریۆو دەرهێنانی درامای (گوڵە بێ ڕۆژەکان) (15) ئەڵقە.
ساڵی 2007 نووسین و سیناریۆو دەرهێنانی درامای (نیشتمان) (15) ئەڵقە.
یەکەمین هونەرمەندە کە شانۆگەری لە مزگەوتدا پێشکەشبکات.
ساڵی 2008 ئامادەکردن و دەرهێنانی شانۆیی.
(بێم لەوێیت) شیعری قوبادی جەلیل زادە، نمایشکردنی لە مزگەوتی قازی محەمەد.
ساڵی 2009 ئامادەکردن و دەرهێنانی شانۆیی (هارون) لە نووسینی ڕۆمانی (هارون ئەلرەشید) ی محەمەد موکری، نووسین و سیناریۆی (رەزاو ڕەمەزان) .
لە بەرەبەیانی ڕۆژی 31-05-2009 لە شاری سلێمانی ماڵ ئاوایی کرد.[1]