ناڤ: ئیحسان
ناڤێ بابێ: نوری پاشا
ساڵا ژ دایکبوونێ: 1893
ڕۆژا مرنێ: #25-03-1976#
جهێ ژ دایکبوونێ: #بەدلیس#
جهێ مرنێ: تەهران
$ژیاننامە$
ل ساڵا 1893ئان ل بەدلیسا باکوورێ کوردستانێ، ژدایکبوویە، ئیحسانێ نوری پاشا سەر ب هوزا جوبرەعیلییانە،
ئیحسان ئێک ژ سەرکردەیێن ناڤدار و بەرنیاسێ کوردان بوویە و ئەندامەکێ چالاکێ کومەلەیا #خوەیبوون# بوویە و پشتڕە هەر ژ ئالێ ڤێ کومەلێڤە بوویە سەرکردەیێ شوڕەشا ئاگری. نووری پاشا خولەکە خوەندنا سەربازی تمام کرییە و د گەلەک شەڕان دا سەرکەتن بدەست خوەڤە ئیناندیە، ڤی سەرکردەیێ کوردان دگەل جەمعییەتا تەعالی یا کوردستانێ تێکهەلیەکە باش و موکوم هەبوویە.
کومەلەیا خوەیبوون کو د ساڵا 1918ئان دە تەسیس بوویە، نووری پاشا د گوڤارا ژین یا ئورگانا فەرمی یا ڤێ کومەلەیێ نڤیسەرەکێ کارا و دیار بوویە. هەروەسا ئەندامێ کومیتەیا سەرخوەبوونێ ژیک بوویە کو ل ئەرزەروما باکورێ کوردستانێ هاتییە تەسیس کرن، ل بلی ئەڤ گووتنێن کو د سەرڤەدە هاتینە ئیحسانێ نووری پاشا سەرکردەیێ وێ سەرهلدانا کوردان بوویە یاکو د سالا 1924ێ دە ل بەیتولشەباب چێ بوویە، پشتی لبار چوونا ڤێ سەرهلدانێ تەڤی خورشید بەگێ هەرتۆشی و تۆفیق جەمیلێ ماردینی و ڕاسم بەگێ وانی و چەند ئەفسەرێن دن دێچنە سووریا و پشتڕە دێچنە عێراقێ، پشتی کوو بو ماوێ چەند ساڵەکان ل عیراقێ ژبۆ سەرکردایەتی کرنا شوڕەشا ئاگری دمینیتن بناڤێ فەرماندەیێ لەشکرێ شوڕەشێ ل ساڵا 1927ئان دە ژ ئالێ خوەیبوونێڤە تێ دەست نیشان کرن.
ب درێژاهیا #شۆڕەشا ئاگری# ئیحسان نوری پاشا سەرکەتن و داستانێن مەزن تومار کرینە، پشتی تێکچوونا ڤێ شۆڕەشێ ژیک ل ساڵا 1930دا چوویە ئێرانێ و ل وێرێ ئاوارە بوویە، ژیانا دەربەدەریا ئیرانێ ژبۆ ژەنەڕاڵ ئیحسان نوری پاشا ژیانەکە تژی نەخوشی بوویە، ل ساڵا 1945 ئان دە ل گۆڤارا ڕۆناهیدا وتارەک بەلاڤ کرییە. ساڵا 1960 تێکهەلی کۆنگرەیا کومەلەیا قوتابیێنن کورد ل ئەوروپایێ بوویە، ناڤبری ئێک ژ وان سەرکردەێێ کوردان بوویە کو ل بلی هندێ کو ئەزمونا خوەندنا سەربازی هەبویە خودان قەلەمەکێ ب هێز ژیک ژبۆ نڤیساندنا ڕوژنامەگەریێ بوویە.
ل 25-03-1976 پشتی پێتری 46 ساڵان ژ دەربەردەرییا وڵاتێ ئیرانێ ل تەهرانا پایتەختا ڤی وڵاتەی ب سەدەما بەرکتنێ دگەل ماتورسیکلەکێ ل 18 ئادارێ دە و ل ئەنجاما سەختییا زاما خوە پشتی هەفتییەکێ گیانێ خوە سپارد و وەغەرا داویێ کر.
تەرمێ وی هەر ل تەهرانێ ل گورستانا ئەلزەهرا هاتە بخاک سپاردن.[1]